Երևանի կենդանաբանական այգին իր կրթական և բնապահպանական ծրագրերի շրջանակում իրականացնում է կամավորական ծրագիր՝ նպատակ ունենալով բնությամբ և կենդանական աշխարհով հետաքրքրված անձանց հնարավորություն տալու իրենց ներդրումն ունենալ կենդանիների պահպանության և բարեկեցության գործում։
Եթե սիրում եք կենդանիներին, ցանկանում եք ձեռք բերել նոր գիտելիքներ և մասնակցել կարևոր ու պատասխանատու աշխատանքի, ապա Երևանի կենդանաբանական այգու կամավորական ծրագիրը հենց ձեզ համար է։
Ինչո՞վ կարող է զբաղվել կամավորը
Կրթական ծրագրեր
Մասնակցել այգում կազմակերպվող կրթական միջոցառումներին, աջակցել դրանց կազմակերպմանն ու իրականացմանը։
Կենդանիների խնամք
Օգնել կենդանիների կերակրման և խնամքի աշխատանքներում՝ աշխատելով այգու մասնագետների ուղղորդմամբ։
Կենդանիների զբաղվածություն և հարստացում
Մասնակցել կենդանիների համար զբաղվածություն ապահովող պարագաների պատրաստմանը և միջավայրի հարստացման (enrichment) ծրագրերին։
Վարքագծի դիտարկում
Աջակցել կենդանիների վարքագծի դիտարկմանը և տվյալների գրանցմանը։
Այցելուների հետ աշխատանք
Տրամադրել տեղեկատվություն այգու մասին, մասնակցել ճանաչողական շրջայցերի անցկացմանը և այցելուներին ներկայացնել կենդանիների պահպանության ուղղությամբ իրականացվող ծրագրերը։
Միջոցառումների կազմակերպման աջակցություն
Աջակցել այգում անցկացվող կրթական, բնապահպանական և այլ թեմատիկ միջոցառումների կազմակերպմանն ու անցկացմանը։
Ինչու՞ դառնալ կամավոր
Կամավորական ծրագրին մասնակցելով՝ դուք հնարավորություն կունենաք՝
տեսնել կենդանաբանական այգու աշխատանքը «վարագույրից այն կողմ»,
ընդլայնել գիտելիքները կենդանիների և նրանց պահպանության ծրագրերի մասին,
ձեռք բերել նոր փորձ և հմտություններ,
շփվել նույն հետաքրքրություններն ու արժեքները կիսող մարդկանց հետ,
ձեր ներդրումն ունենալ կենդանիների բարեկեցության և բնության պահպանության գործում։
Կամավոր դառնալու պահանջներ
Երևանի կենդանաբանական այգու կամավոր դառնալու համար անհրաժեշտ է՝
լինել առնվազն 14 տարեկան,
հետաքրքրված լինել կենդանական աշխարհով և բնապահպանությամբ,
լինել պատասխանատու և պարտաճանաչ,
շաբաթական տրամադրել առնվազն 4–6 ժամ,
հետևել անվտանգության կանոններին
Ինչպես դառնալ կամավոր
Եթե ցանկանում եք միանալ Երևանի կենդանաբանական այգու կամավորական ծրագրին, անցեք հղումով և լրացրեք հարցաթերթիկը
Դիմումը լրացնլուց հետո այգու մասնագետները կապ կհաստատեն Ձեզ հետ և կուղղորդեն կամավորական ծրագրին միանալու գործընթացում։
Հաճախ տրվող հարցեր (FAQ)
Որքա՞ն ժամանակ պետք է տրամադրել:
Կամավորներից ակնկալվում է շաբաթական առնվազն 4–6 ժամ մասնակցություն։
Կարո՞ղ են մասնակցել դպրոցականները:
Այո, կամավորական ծրագրին կարող են մասնակցել 14 տարեկանից բարձր անձինք։
Կամավորները անմիջական շփվու՞մ են կենդանիների հետ:
Կամավորները ներգրավվում են կենդանիների խնամքի, զբաղվածության և դիտարկման որոշ աշխատանքներում՝ մասնագետների վերահսկողությամբ և անվտանգության կանոնների պահպանմամբ։
Արդյո՞ք կամավորները անցնում են վերապատրաստում:
Այո, ծրագրին միանալուց առաջ կամավորները մասնակցում են կարճ վերապատրաստման, որտեղ ներկայացվում են անվտանգության կանոնները և աշխատանքի ընթացքը՝ բոլոր մանրամասներով։
Կամավորության ավարտից հետո տրամադրվու՞մ է հավաստագիր:
Այո։ Կամավորական ծրագրի ընթացքում անհրաժեշտ պահանջներին և մասնակցության պայմաններին հետևելու դեպքում կամավորներին տրամադրվում է համապատասխան հավաստագիր։
Միացե՛ք Երևանի կենդանաբանական այգու կամավորական ծրագրին և դարձեք կենդանիների և բնության պահպանության կարևոր գործընկեր։
