Մեր նպատակն է ապահովել Ձեր հաճելի հանգիստը՝ միաժամանակ պահպանելով կենդանիների բարօրությունն ու անվտանգությունը։ Խնդրում ենք այցելության ընթացքում հետևել այս կանոններին․
🔇 Հարգանք կենդանիների հանդեպ
Խուսափեք աղմկելուց, բղավելուց և կենդանիներին վախեցնելուց։
Մի թակեք ապակիներին, մի հարվածեք ցանկապատերին։
Մի բարձրացեք ցանկապատերի կամ պատնեշների վրա։
Ձեռքերը մի անցկացրեք արգելապատնեշից այն կողմ։
Խստիվ արգելվում է կենդանիների տարածք մուտք գործելը։
Թույլատրվում է կերակրել միայն սմբակավորներին և պրիմատներին՝ այգում վաճառվող հատուկ կերերով։ * Մարդու համար նախատեսված սնունդը կարող է վտանգել կենդանիների առողջությունը և կյանքը։
🚯 Մաքրություն և շրջակա միջավայրի պահպանում
Թափոնները նետեք միայն աղբամաններում։
Արգելվում է ծաղիկներ կամ բույսեր քաղել։
Խոտածածկի վրայով քայլել միայն «պիկնիկ զոնայում»։
🚫 Թույլատրվող և արգելված իրեր
Արգելվում է մուտքը հեծանիվներով, սկեյթբորդներով, էլեկտրասքեյթերով և նմանատիպ միջոցներով։ ➤ Բացառություն են մանկական և հաշմանդամության սայլակները։
Կենդանիներով մուտքը արգելվում է (բացառությամբ ուղեկցող շների՝ կույրերի համար)։
Արգելվում է ծխել կենդանիների տարածքի հարևանությամբ։
📸 Լուսանկարահանում
Թույլատրվում է լուսանկարել և տեսանկարահանել անձնական օգտագործման համար։
Կոմերցիոն լուսանկարահանումների համար անհրաժեշտ է նախնական թույլտվություն։
Դրոններով նկարահանման համար անհրաժեշտ է նախնական թույլտվություն։
👶 Երեխաների անվտանգություն
Երեխաները պետք է գտնվեն մեծահասակների մշտական վերահսկողության ներքո։
Խնդրում ենք բացատրել երեխաներին կենդանիների հանդեպ հարգալից վերաբերմունքի կարևորությունը։
👮 Անվտանգություն
Հետևեք այգու աշխատակիցների և անվտանգության ծառայության ցուցումներին։
Արտակարգ իրավիճակներում մնացեք հանգիստ և հետևեք ելքերին ուղղորդող նշաններին։
📌Նշում Կանոնների խախտման դեպքում այգու աշխատակիցները իրավասու են ձեզ դուրս հրավիրել այգու տարածքից։
